O disco, de dez temas con duracións curtas ao estilo do pop (o máis longo dura 3'40"), conta ademais de co citado Ferreiro con temas en colaboración con outros artistas como Fillas De Cassandra no tema que dá nome ao disco e que está cantado en galego; Jordana B En 'MarÃa'; o artista electrónico Silhouette, en 'Time' e Marilia Monzón en 'Rendición'. O álbum transita entre o Synth Wave, Ambient, Break Beat e non renuncia ás guitarras máis Indie nalgúns temas, recoñecendo niso influencias dos grandes referentes da electrónica francesa como Justice o Kavinsky. Entre listado de cancións deste 'Valuria', atopamos pistas coa vocación de mover ao máximo as pistas de baile, como o Break beat de 'Rise' ou a potente 'Ga Ga', tamén un achegamento á electrónica urbana trap, con ese 'MarÃa' que asinan con Jordana B. En xeral un traballo que de seguro, cando comecen a presentar en directo coa seu correspondente proposta visual, acadará os seus obxectivos e subirá algún punto o nome do dúo nos carteis. O primeiro encontro co público será o vindeiro dÃa 12 de xuño durante o festival O Son do Camiño. Posteriormente estarán tamén no Portamérica e no Festival Osa do Mar de Burela, entre outras datas fóra de Galicia.
