A provincia de Lugo celebra a súa primeira Semana do Patrimonio Invisible

A partir das 12 da mañá deste 5 de xuño abre a reserva de prazas para primeira Semana do Patrimonio Invisible de Lugo. A Área de Cultura, Patrimonio Histórico Artístico e Normalización Lingüística da Deputación Provincial promove esta iniciativa, que permitirá visitar nove espazos de toda a provincia que habitualmente permanecen fechados ao público.

As visitas guiadas que compoñen o programa desenvolveranse os días 7 e 8 e mais os 14 e 15 de xuño, e permitirán achegarse ao Encoro de Belesar (Chantada), a Ferrería de Penacova (Bóveda), a Igrexa do Hospital (O Incio), o Parador de Monforte e a Igrexa de San Vicente do Pino, na mesma localidade, o Pazo de Ferreiroá (Pantón), o Seminario de Mondoñedo, o Mosteiro de Lourenzá, os Mananciais de Mondoñedo e a Cova de Santalla de Lóuzara.

As reservas para participar na iniciativa son gratuítas e están limitadas a un máximo de dúas visitas para dúas persoas por solicitante.