A seguir o ronsel que Santiago de Compostela leva dous anos a desenvolver, tamén Pontevedra anuncia para este verán unha Semana do Patrimonio Invisible. Entre os días 16 e 18 de xullo será posible coñecer, previa reserva e con visitas guiadas para grupos coñecidos, espazos patrimoniais habitualmente fechados na Cidade do Lérez. Segundo anuncia o Concello, a proposta abre en 2020 co Pazo de Mugartegui, Vila Pilar, o cemiterio de San Amaro e o Colexio Sagrado Corazón de Praceres como puntos de interese. A estes súmase, como elemento máis destacado, o Convento de Santa Clara, que acolleu durante séculos unha congregación de clausura nunca foi accesible para o común da poboación.
