Coñecer as novidades da investigación arqueolóxica no Xurés, e reunir a "institucións, investigadoras e investigadores, así como axentes culturais de ambos lados da fronteira, nun espazo de diálogo e intercambio arredor do patrimonio arqueolóxico común", é o obxectivo da xornada "Arqueoxurés: Xacementos que falan, unha viaxe ao pasado", organizada pola Deputación de Ourense con financiamento europeo do proxecto “Gerês-Xurés Mais Sustentável”. A xornada celebrarase o sábado 7 de xuño no balneario de Riocaldo (Xurés), e contará coa participación de Helena P. Abreu, da Universidade do Minho sobre "A Geira romana", Rebeca Blanco Rotea falando sobre a investigación arqueolóxica na paisaxe do Extremo (Arcos de Valdevez), Manuel Gago falará sobre a presenza campamental romana no Gerês-Xurés, Santiago Ferrer abordará as últimas investigacións no forte de Aquis Querquennis, Juan Manuel Galiña e Eduardo Breogán Nieto tratarán sobre as fortalezas medievais do val do Salas e rematarase co relatorio de Benito Vilas sobre o castelo de san Adrao (Lobeira).
