Andrés Rodís explora a arte como proceso cirúrxico

A francesa Isabelle Dinoire foi a primeira persoa en recibir con éxito un transplante facial en 2005, e tamén a inspiración para a nova mostra do artista Andrés Rodís (Santiago, 2000), que inaugurou no Espazo Peculiar, en Oleiros, o pasado 5 de Abril. Na mostra, titulada tamén "Isabelle Dinoire", o artista experimenta cos cambios que sufre a obra artística cando se introducen nela novos elementos que transforman o corpo orixinal, tal que papeis con debuxos, imaxes ou signos da escrita, "que os asimila xerando unha nova unidade na que os cortes e unións convértense en pegadas esenciais". É a segunda mostra individual deste artista mozo en Galicia e está comisariada por Pilar Romero.