O Auditorio de Galicia acolle ata o vindeiro 31 de maio a primeira retrospectiva de Antón Mouzo. Este artista, falecido en 2007, desenvolveu un intenso traballo experimental centrado no ámbito pictórico. A representación da natureza, con amplas pegadas da tradición artística galega, supoñen o groso da mostra, comisariada por María Pose. Debuxos, anotacións, videoinstalacións e pinturas compoñen a proposta.
