Sen título, 2004 © Chema Madoz / VEGAP Madrid, 2012
Un percorrido en retrospectiva polo traballo de Chema Madoz. Setenta fotografías nas que os obxectos cotiáns adquiren novos significados e convidan ao soño ou á reflexión compoñen Ars Combinatoria. Ata o vindeiro 24 de xuño, o Auditorio de Galicia, en Compostela, acolle esta exposición, que promete ser unha das referencias da axenda artística desta primavera. Desde o Auditorio lembran que existe un servizo de visitas guiadas á mostra, tanto para escolares e colectivos como para visitantes que veñan en grupos de dez ou máis persoas.
