Imaxe da exposición de Chema Madoz
Unha exposición de setenta fotografías de Chema Madoz é a grande aposta do Auditorio de Galicia, en Compostela, para esta primavera. O artista, cos seus xogos para revelar os significados ocultos dos obxectos, presentaba onte a mostra, que se poderá ver ata o vindeiro 24 de xuño. Comisariada por Oliva Mª Rubio, a exposición fai un percorrido pola traxectoria deste recoñecido creador.
