Presentación da rehabilitación. Foto: Deputación de Pontevedra
En maio do ano pasado a Deputación de Pontevedra anunciou a rehabilitación da Casa de Combarro, o inmoble barroco, por un valor de 116.000 euros. Aínda que estaba previsto que as obras comezaran a mediados do mes de maio, o certo é que aínda non se iniciaran. Luis López, presidente da Deputación de Pontevedra, anunciou un novo calendario e novos obxectivos. Deste xeito, o novo calendario sinala que as obras comezarán despois de Semana Santa e terán unha duración de seis meses. Terán un custo de 140.000 euros, demolerán a cuberta actual, cambiarán as carpinterías exteriores de madeira, renovarase a instlaación eléctrica e diferentes novas instalacións de saneamento. A novidade é o engadido de 100.000 euros adicionais para a "musealización" do inmoble, que "pasará a ser un centro de referencia para a promoción, información e difusión de Combarro como destino turístico ligado á cultura".
