Imaxe de Vigo realizada por Nicolas Muller. Fonte: Xunta de Galicia
Ás sete da tarde deste 14 de marzo abre as súas portas Nicolás Muller en Galicia. O Museo do Mar, en Vigo, acolle esta exposición temporal que se poderá ver ata o vindeiro 18 de maio. Este documentalista nado en Hungría tomou ao longo da súa carreira 700 imaxes no noso país en múltiplas viaxes, moitas das cales o levaron polas Rías Baixas.
A mostra achega, a través de 50 imaxes, unha ollada á realidade das persoas traballadoras do noso país durante os anos 60, cunha especial atención á xente do mar e ás clases desfavorecidas e unha perspectiva fondamente humanista que pon un foco particular en mulleres e crianzas. O proxecto expositivo inclúe un audiovisual que contextualiza e analiza a figura do autor desde unha perspectiva actual.
Muller, considerado un dos grandes fotógrafos documentais do século XX, viaxou polo norte da península por encarga da editorial Clave, con vistas a crear unha serie de libros que debían mostrar unha imaxe moderna de España. O proxecto, comisariado polo tamén fotógrafo José Ferrero, parte da mostra Nicolás Muller. Vento Norte, que se puido ver en 2023 na Cidade da Cultura.
Muller, considerado un dos grandes fotógrafos documentais do século XX, viaxou polo norte da península por encarga da editorial Clave, con vistas a crear unha serie de libros que debían mostrar unha imaxe moderna de España. O proxecto, comisariado polo tamén fotógrafo José Ferrero, parte da mostra Nicolás Muller. Vento Norte, que se puido ver en 2023 na Cidade da Cultura.
