A sala multiusos do Teatro Principal de Pontevedra acollerá os vindeiros 14 e 15 de marzo as XIII Xornadas sobre o Entroido de Galiza, organizadas pola Sociedade Antropolóxica Galega (SAGA). Este encontro reunirá investigadores sobre diversas celebracións en diferentes puntos do país cada unha con características propias, algunhas xa case esquecidas e outras recuperadas. Así na primeira xornada o antropólogo Xerardo Santomé impartirá unha conferencia sobre 'As entroidadas de Corzáns', seguida da intervención de Jonathan Zúñiga (presidente de la Asociación Cultural e Veciñal de Ribadetea) que falará de 'Mudados e Perriñas: o Entroido rural de Ribadetea'. O antropólogo Rafael Quintía xunto a Manuel Suárez (Asociación Cultural Entroido de Aguasantas) impartirán unha conferencia sobre 'O regreso da Momada: a recuperación do Entroido de Agusantas'.
O sábado seguirán os poñentes presentando outras investigacións así como o libro 'A boreada das mázcaras. Estudo histórico e antropolóxico dos entroidos tradicionais de Xermade', a cargo do seu autor Rafael Quintía Pereira. Tamén haberá unha conferencia sobre o Entroido de Merza, a cargo de Belén Guzmán (presidenta da Asociación Cultural Vello dos Cornos) e rematarán estas XIIIas xornadas cunha conferencia e a proxección do documental 'Momotxorroak'.
