Portada do Caderno de campo número 11
A Sociedade Antropolóxica Galega (SAGA) publicou o seu Caderno de campo 2019, dedicado nesta ocasión ao entroido. Entre moitos contidos, o caderno de campo (que está dispoñible de balde en pdf) conta con artigos sobre "A figura da Vella mitolóxica como personaxe do Entroido", de Lidia Mariño, "As máscaras xiróvagas das Terras de Manzaneda. Unha danza para mover o mundo", de Rafael Quintía, sobre o entroido de Hío, de Xerardo F. Santomé ou "Cantos de Entroido no Oriente ourensán", de Carlos X. Ares.
