O Consello da Xunta o pasado luns, 3 de marzo, aprobaba este texto legal, que contou con informes favorables do Consello da Cultura Galega e do Museo do Pobo Galego. O texto da declaración protexe toda a celebración nas súas diferentes formas, a abranguer todo o calendario vencellado á festa, desde o DÃa do Petardazo ao Domingo de Piñata, as distintas máscaras e manifestacións tradicionais da mesma e mesmo o aspecto gastronómico destas datas.
A Xunta lembra que entroidos como os de Santiago de Arriba (Chantada), Salcedo (A Proba do Brollón) e Esgos, contan xa coa declaración como Ben de Interese Cultural no marco da protección para a paisaxe cultural da Ribeira Sacra aprobada en 2018. Outras destas celebracións contan co recoñecemento como festas de interese turÃstico. Trátase dos de Xinzo de Limia, de nivel internacional; do de VerÃn, de interese turÃstico nacional; e os de Cobres, Laza, Viana do Bolo, o Folión tradicional do Entroido de Manzaneda, os Xenerais da Ulla, Maceda, Vilariño de Conso, Foz e o Enterro da Sardiña de MarÃn que son de interese galego.
Para alén de incidir na variedade de fórmulas que adopta a festa, o decreto dá conta das funcións sociocomunitarias e culturais que cumpre esta á hora de "reafirmar os lazos de identidade colectiva dun lugar, aldea, parroquia ou concello, a través da manifestación dun espÃrito lúdico e trouleiro" e favorecer a "a sociabilidade, a integración e inclusión social e unha rica convivencia interxeracional".
Como medidas de salvagarda, o texto non desenvolve propostas concretas e unicamente apunta a conveniencia de proceder ao arquivo e sistematización de documentos relacionados con este patrimonio para poder ter "unha comprensión máis eficaz e completa" do mesmo e garantir a súa preservación futura. A isto súmase unha recomendación da súa incorporación ao ensino "tanto formal como non formal" e outra de pór en marcha un repositorio dedicada á celebración "coa documentación, testemuños, material audiovisual e outros rexistros de interese".
