O Diario Oficial de Galicia publica o texto do decreto para o pluringüísmo

O Decreto 79/2010, do 20 de maio, para o plurilingüismo no ensino non universitario de Galicia entra en vigor mañá, 26 de maio. O Diario Oficial de Galicia publica hoxe o texto que aprobou o pasado xoves o Consello da Xunta. A redacción final inclúe as modificacións que apuntara Núñez Feijóo na súa comparencia, entre as que destaca a ausencia da prometida consulta aos pais para seleccionar a lingua das materias en Educación Primaria e Secundaria.