A editorial Galaxia inaugura hoxe pola tarde en Afundación Compostela a exposición Crear porvir. 75 aniversario da editorial Galaxia. A exposición traza a historia da editorial desde a súa fundación a partir dunha selección de materiais, publicacións e documentos representativos que tamén son, ao tempo, unha historia da cultura galega durante o franquismo e a democracia. A exposición pódese visitar ata o 29 de marzo de 2025.
