Redondela incluirá a toponimia como ben patrimonial no seu PXOM

O concello de Redondela incluirá a toponimia como ben patrimonial no seu Plan Xeral de Ordenación Municipal (PXOM). Así o explicou no transcurso dunha xuntanza entre a alcaldesa e outros membros da corporación municipal co presidente da Real Academia Galega, Víctor Fernández Freixanes, o secretario da institución Henrique Monteagudo e Gonzalo Navaza, membro do seminario de Onomástica. Durante a xuntanza, a alcaldesa presentou as iniciativas para a recuperación e posta en valor da toponimia local, coma o traballo de campo, a edición de nove publicacións sobre toponimia e a incorporación de 3000 microtopónimos ao web Galicia nomeada. A Real Academia Galega celebrou esta "medida pioneira" de incorporación da toponimia ao PXOM e animou aos outros concellos a seguir este "exemplo".