O enxeño de Siro retrata 40 anos de autonomía

Houbo un tempo no que os políticos do Parlamento de Galicia eran tan coñecidos que moitos deles tiñan a súa caricatura realizada por Siro López, Siro, nas crónicas políticas de La Voz de Galicia. O popular caricaturista doou os seus debuxos ao Parlamento de Galicia, quen inaugurou esta semana pasada en Afundación A Coruña 40 anos de Autonomía de Galicia nas caricaturas de Sirounha escolma de 230 debuxos a partir dos 1600 orixinais que integran o fondo. As viñetas foron seleccionadas a través da súa conexión con relevantes acontecementos da historia autonómica, aínda que se inclúe tamén unha ducia de debuxos inéditos sobre os últimos anos da política galega. Será a primeira vez que o fondo orixinal se expoña fóra do Parlamento. A exposición estará aberta ata o vindeiro 15 de marzo.