A maiores, a exposición que comisariou o xornalista Aser Álvarez recolle dez obras inéditas a xeito de contexto. Despois da súa estadía na sede parlamentar, está previsto que o proxecto expositivo percorra o país de xeito itinerante a partir do seu feche 15 novembro.
A inauguración da exposición enmárcase nas actividades organizadas para conmemorar o 40 aniversario da Autonomía galega. Durante a mesma, o presidente do Parlamento, Miguel Santalices, destacou que a mostra está "conformada por imaxes sempre evocadoras, desbordantes de humor e de ironía, exemplos vivos da retranca consubstancial ao pobo galego" que evidencian o "talento creativo do autor, a súa fina intelixencia e a súa profunda bonhomía".