Compostela acolle unha exposición antolóxica de Miguelanxo Prado

Mar interior é o título da exposición que o Museo das Peregrinacións, na compostelá Praza das Praterías, acolle desde o pasado día 25. Un total de medio centor de ilustracións e páxinas orixinais de banda deseñada deste recoñecido autor repasan os seus máis de trinta anos de carreira atendendo tanto ao traballo na novena arte como a carteis, ilustracións para literatura infantil e xuvenil e outros proxectos. A iniciativa,coordinada por El Patito Editorial, poderá verse ata o vindeiro 31 de decembro e coincide no mesmo lugar coa mostra Santiago, ciudad ilustrada, exposición que repasa a presenza da cidade na BD e na ilustración da man de 60 traballos de diferentes autores.