Desde o pasado 13 de decembro o Museo do Gravado de Artes (Ribeira) acolle a exposición A tres. O proxecto, dedicado aos libros de artista, recolle exemplares deste tipo producidos por Baldo Ramo, Pepe Cáccamo e Antonio Piñeiro. Segundo explica a presentación da mostra, "os libros de artista presentes na exposición recollen as ideas básicas definidas ao redor do concepto: a do potencial experimentador, dialéctico, transformados e rexenerador, e a da accesibilidade universal da arte por medio de instrumentos, elementos ou vieiros democratizadores".
En concreto, o proxecto recolle dezasete obras de Xosé María Álvarez Cáccamo, unha serie que desenvolveu a partir do exemplar Dun mansa estoura almou no sque emprega elementos antigos, cartón, restos de pigmento, cadernos e obxectos de escritorio cos que desenvolve deseños grafolóxicos, caligramas, signos alfabéticos e debuxos.
No caso de Baldo Ramos, o autor achega quince obras realizadas en diferentes momentos da súa traxectoria e nas que indaga sobre as posibilidades do papel, as tintas as grafías e as texturas. Finalmente, piñeiro presenta a serie Calcinación na que traballa o residuo artístico e os descartes do proceso creativo. Fagmentos de textos, anacos de follas, manchas residuais, bosquexos desbotados e probas de cor fan parte desta proposta.
A exposición complementouse coa edición de 90 exemplares dunha plaquette á que os tres artistas achegaron obras gráficas e manuscritas.
