Os libros tratados en si mesmos coma material de exposición. Composicións con diferentes exemplares, xogos coas ilustracións, os textos, o soporte e o contido. O Museo Provincial de Lugo acolle, desde o pasado 27 de novembro e ata o vindeiro 19 de decembro a exposición Novas formas de mirar o álbum ilustrado. Cunha perspectiva artística, convídase ao espectador a adoptar unha nova visión para se enfrontar ás ilustracións e ás obras deste tipo que publicou a editorial Oqo nos últimos anos. Un xeito diferente de tratar os libros.
