Os lucenses escollen a Fuxan os ventos para nomear o seu auditorio

O 20 de decembro inaugurarase o novo Auditorio de Lugo, un flamante edificio cun custe de 20 millóns de euros. A veciñanza xa escolleu como se chamará: Fuxan os ventos, en homenaxe á lendaria formación musical da cidade, fundamental para entender a cultura da Transición en Galicia. Os veciños de máis de quince anos tiñan a oportunidade de escoller entre catro propostas: Fuxan os ventos, Darío Xohán Cabana, Maruxa Mallo e Maruxa Villanueva. Fuxan gañou cun 65% dos 3007 votos que foron emitidos, seguidos de Darío Xoán Cabana, que conseguiu 654 votos, Maruxa Mallo, con 370 e Maruxa Villanueva, con 129. O auditorio inaugurarase o 20 de decembro cunha actuación especial da soprano Ainhoa Arteta.