Desde o pasado mes de outubro e ata comezos deste decembro, a maior concentración de hórreos de Galicia, situada na Merca, está a recibir os primeiros traballos de restauración. Turismo de Galicia, con 138.000 euros, e o Concello da Merca, que achegou 60.000, financiaron estas actuacións, que pretenden protexer de cara ao futuro este conxunto de 34 construcións, declaradas Ben de interese cultural ao ser anteriores a 1901.
A colección de hórreos, que se recuperaron de fincas particulares e se reuniron no campo da feira da localidade a finais dos anos 70 con intención de os conservar, presentaban na actualidade danos en carpinterÃa, cubertas e mesmo elementos de canterÃa. Ata o momento as únicas actuacións que se realizaran sobre o conxunto foran de limpeza e mantemento da contorna.
Os traballos que se están a abordar inclúen limpeza, colocación de tellas e restauración ou substitución das partes danadas de cada canastro, que nalgúns casos presentaban deterioracións importantes. Desde o Concello apostan ademais pola futura creación dun centro de interpretación dedicado a este patrimonio cultural.
A colección de hórreos, que se recuperaron de fincas particulares e se reuniron no campo da feira da localidade a finais dos anos 70 con intención de os conservar, presentaban na actualidade danos en carpinterÃa, cubertas e mesmo elementos de canterÃa. Ata o momento as únicas actuacións que se realizaran sobre o conxunto foran de limpeza e mantemento da contorna.
Os traballos que se están a abordar inclúen limpeza, colocación de tellas e restauración ou substitución das partes danadas de cada canastro, que nalgúns casos presentaban deterioracións importantes. Desde o Concello apostan ademais pola futura creación dun centro de interpretación dedicado a este patrimonio cultural.
