O bispado de Lugo cede ao concello de Silleda a igrexa de Carboeiro

Concello de Silleda e bispado de Lugo asinaron onte no marco da igrexa monástica de Carboeiro a cesión por parte da Igrexa e por 25 anos do inmoble. O obxectivo é poder acometer as iniciativas de posta en valor do monumento, para as que era imprescindible que o concello tivera capacidade legal de executar. En concreto, a electrificación do mosteiro e a musealización do cenobio, dentro do marco do plan de sustentabilidade turística de Deza-Tabeirós e financiado cos fondos do Plan de recuperación, Transformación e Resiliencia do Goberno central. As intervencións no inmoble deberán contar coa aprobación do bispado.