Cultura agarda a cesión da reitoral de Santo André para rematar o Museo Galego do Viño

A Diócese de Ourense cedeu a reitoral de Santo André á Xunta de Galicia en 1997 para un espazo museístico, pero numerosos problemas nas intervencións deron lugar a que a cesión caduque este ano e sexa preciso renovar o acordo co bispado para poder iniciar o proxecto museográfico. Así o anunciou Román Landín, Conselleiro de Cultura, no Parlamento, tras destacar que xa se levan investidos 1,36 millóns no inmoble e que en canto a diócese rubrice a cesión gratuíta do inmoble ata 2043 se iniciará o proxecto de musealización do Museo Galego de Viño.