O concello de Covelo recuperará a reitoral de Barcia de Mera

É un dos grandes conxuntos do barroco rural galego e ata agora estaba nun preocupante estado de abandono. A bispado de Tui-Vigo cedeu ao concello de Covelo a reitoral de Barcia de Mera de xeito gratuíto e por cincuenta anos para poder ser restaurado e rehabilitado. A cesión inclúe a reitoral, a casa de obra, o alpendre e o hórreo. A Xunta tamén anunciou que o conxunto será declarado Ben de Interese Cultural. O edificio vai ser posto en valor "como atractivo turístico, e para a prestación de servicios socio-culturais públicos" e o concello xa está a tramitar os permisos pertinentes.