Adxudicado o proxecto expositivo do Museo do Viño de Galicia

A Xunta acaba de conceder por máis de 500.000 euros a fabricación e instalación do proxecto expositivo do Museo do Viño de Galicia, que estará ubicado na reitoral de Santo André de Camporredondo, en Ribadavia. O proxecto será xestionado desde o Museo Etnolóxico de Ribadavia e está albergado na reitoral de Santo André de Camporredondo, propiedade da igrexa e cuxa cesión á xunta acábase de prorrogar por outros 25 anos. A administración autonómica xa investiu 1,36 millóns de euros na súa restauración. O Museo do Viño de Galicia explicará como o viñedo transforma a paisaxe que o rodea e provoca un desenvolvemento e organización social determinado. Tamén explicará como se organiza a produción vitícola dos mosteiros, dos que a propia reitoral de Santo André é un exemplo, como priorado do cenobio compostelán San Martiño Pinario.