Medio millón de euros recuperarán a ponte de Ponte Sampaio

A ponte medieval de Ponte Sampaio, que une Pontevedra e Arcade (Soutomaior), verá ao longo dos vindeiros seis meses obras de limpeza e de reforma. A Xunta de Galicia adxudicou por medio millón de euros os traballos que pretenden "garantir a conservación da ponte e realzar" a estética do conxunto.

Segundo detallou a Consellería de Vivenda e Planificación de Infraestruturas, responsable do proxecto, dentro desta actuación realizaranse labores de limpeza dos paramentos, a incluír a colocación de redes desde os tallamares, que tamén incorporarán vinte luminarias led. Tamén se efectuarán reparacións no pavimento da calzada, e instalares unha iluminación ornamental dotada de 36 proxectores.

Na contorna deste monumento, as actuacións prevén eliminar o asfalto dos treitos de estrada contiguos, ademais de axardinar a zona.