Un catálogo reúne 32 iniciativas artísticas femininas vinculadas á migración

O colectivo Mulleres á fronte presentou onte na sala de exposicións da Deputación de Lugo no pazo de San Marcos, un directorio de "mulleres artistas migrantes", que inclúe "32 iniciativas artísticas femininas -individuais e colectivas – vinculadas a migración, que reflexionan sobre a identidade, o desprazamento e a intersección de culturas desde diferentes disciplinas, fundamentalmente desde o teatro, a danza e a música". O catálogo veu acompañada da inauguración da exposición "Coidados na Diáspora", promovida polo mesmo colectivo Mulleres á fronte, e no que se recuperaron fotografías familiares de diferentes migrantes caboverdianas.