A editorial Galaxia presentou esta mañá os Foros Grial 2050, catro xornadas de reflexión ao redor da Galicia do futuro que convocarán a expertos no ámbito das artes, a ciencia, a comunicación ou a sociedade. Será en catro grandes foros que se celebrarán en diferentes cidades galegas, organizados desde a revista Grial. O Museo de Pontevedra acollerá en novembro o foro "Culturas, artes identidades", organizado por Agar Ledo e María López Sández, e no que participarán Germán Labrador, Manuel Olveira, Lourdes Menéndez e Carme Adán. En Santiago de Compostela, en abril, o encontro "Sociedade, economía e territorio", coordinado por Ramón Villares e Xoaquín Fernández Leiceaga, na que se falará ao redor de demografía e economía, con Ramón Villares, Antía Pérez Caramés, Xaquín Fernández Leiceaga / Edelmiro López Iglesias ou Luciano Alfaya. Un terceiro foro, coordinado por Marilar Aleixandre e Sonia Villapol, atenderá ao quecemento global, as enerxías renovables ou a biomedicina da man de Xan López Saborido, José Manuel Andrad, Ángel Carracedo ou Sonia Villapol. Por último, o foro "Comunicación. Desafíos para os novos tempos", en outubro, coordinado por Víctor F. Freixanes e Llerena Perozo, no que participarán Manuel Gago, Silvia Vázquez Lorenzo, María Yáñez, Alberto Quián e Marcos S. Pérez. Na presentación participaron Antón Vidal, presidente do Consello Editorial de Galaxia, e Henrique Monteagudo, director da revista Grial.
