As mulleres protagonizan a XIV xeira do Festival Kerouac de Vigo. O encontro poético conta nesta ocasión coa muller como protagonista e unha homenaxe especial ás mariscadoras, que protagonizan o seu cartel. Entre os días 24 e 26 de outubro, o programa achega cun concerto, un recital colectivo e unha proposta multimedia.
Un concerto free jazz con Sunil López ao piano e a poesía de Marcos de la Fuente abre o programa desta xeira na Escola de Artes e Oficios. Ao longo do mesmo, o alumnado da escola traducirá ao vivo e en varios idiomas poemas do autor.
O día 25, un recital colectivo contará coa mariscadora-poeta de Vilanova, Dula Piñeiro, será unha das protagonistas desta xeira. Canda a ela, a lisboeta Elisa Scarpa, Ana Corzo, Alicia Louzao, Xan Martínez, Queco Fresco, Miguel Cuña, Benito Piñeiro, Aarón Franco, Elena Lameiro, Xoán Pedreira e Nila A. Pousa amosará as súas creacións.
O evento fecha cun recital que combina poesía con música, performance e proxeccións audiovisuais no MARCO. María Xosé Queizán, Ana María Caballero, José Lameiras, o dúo Clo Plas (Xiana Arias e Berio Molina), Desatado e Amalia Puga.
