A la deriva II. Fonte: Deputación da Coruña
A serigrafía A la deriva II valeulle ao compostelán José Andrés Santiago facerse co XIX Premio Internacional Jesús Núñez de arte gráfica. O galardón que convoca o departamento de Cultura da Deputación da Coruña ten unha dotación de 6.500 euros en metálico e inclúe unha exposición que se desenvolverá na Fundación CIEC de Betanzos.
O fallo do xurado destaca do traballo gañador "a parte conceptual e complexa, combinada coa sutileza da imaxe e da cor, ao mesmo tempo que o autor aporta tridimensionalidade e mobilidade á peza, sen esquecer a poética e a perfecta execución".
Canda ao primeiro premio, o xurado concedeu un accésit a Nómadas en el país de las tentaciones, do andaluz Manuel Moreno Morales, e outro a S/T (at lunchtime), da catalá Claudia Regueiro Puigdevall. Cada un deles recibirá unha bolsa de matrícula nun módulo do Máster de Obra Gráfica impartido pola Fundación CIEC.
A deputada de Cultura, Natividade González, presidiu o xurado do que fixeron parte Nuria Blanco, María Rosario Sarmiento, Juan Carlos Escudero, Francisco Aguilar e Susana Murias. Como secretaria actuou Manuela Muñiz, xefa do Servizo de Acción Social, Cultural e Deportes da Deputación.
Canda ao primeiro premio, o xurado concedeu un accésit a Nómadas en el país de las tentaciones, do andaluz Manuel Moreno Morales, e outro a S/T (at lunchtime), da catalá Claudia Regueiro Puigdevall. Cada un deles recibirá unha bolsa de matrícula nun módulo do Máster de Obra Gráfica impartido pola Fundación CIEC.
A deputada de Cultura, Natividade González, presidiu o xurado do que fixeron parte Nuria Blanco, María Rosario Sarmiento, Juan Carlos Escudero, Francisco Aguilar e Susana Murias. Como secretaria actuou Manuela Muñiz, xefa do Servizo de Acción Social, Cultural e Deportes da Deputación.
