Allariz celebra o seu X Poemagosto

Un recital aberto en solidariedade con Palestina abre este 5 de outubro a décima xeira do Poemagosto. O Festival Internacional de Poesía celébrase un ano máis en Allariz a contar con Silvia Penas, Samuel Merino, Verónica Martínez Delgado, Luix Kaf, Rochi Nóvoa e Carlos Da Aira como nomes principais do cartel. Os e as participantes desenvolverán dous recitais conxuntos durante a mañá e a tarde da xornada.

Un concerto de Tesouro completa a sesión de mañá do encontro, e durante a tarde Xurxo Souto presentará a obra Somos un pobo de artistas e Luix Kaf achegará un recital de electropoesía. A xornada finalizará cun concerto a cargo de Coanhadeira e cunha foliada da man do grupo Xúa.