A Deputación de Pontevedra busca reubicar o centro de interpretación dos castros do Deza

O Centro de Interpretación dos castros e da gastronomía do Deza leva pechado desde agosto, cando concluiu o contrato da empresa adxudicataria da súa xestión, segundo informa La Voz de Galicia. A Deputación de Pontevedra confirmou a este medio que neste momento estase a proceder a reubicar deste centro, que presentaba a arqueoloxía, o patrimonio inmaterial e a gastronomía de Lalín e da comarca do Deza, tras a petición por parte do concello de Lalín deses espazos -localizados nos baixos do 'castro tecnolóxico'- para outras finalidades. CastroDeza contaba con catro salas, das que tres estaban destinadas á divulgación do patrimonio da comarca a través de proxeccións 360º e elementos interactivos.