A Deputación da Coruña presentou onte no Museo do Pobo Galego as actas do Congreso 'O reino medieval de Galicia", que se celebrou nesa mesma institución en setembro de 2022. O libro de actas, que se pode descargar de balde desde o web do congreso, recolle as achegas dos relatores sobre a configuración e evolución do reino medieval ao redor de varias temáticas: historiografÃa, as diferentes etapas cronolóxicas do reino medieval, achegas á cultura e á arte e as xuntas do reino de Galicia no Antigo Réxime. No volume participaron boa parte dos investigadores con traxectoria na investigación sobre a historia medieval galega, entre os que destacan o coordinador do congreso e o volume, Anselmo López Carreira, canda historiadores como Xosé Carlos López Bernárdez, Mariña Bermúdez Veloso, Simon R. Doubleday, Xosé Miguel Andrade Cernadas ou Mercedes Brea, entre moitos outros.
