A coruñesa Bea Lema foi galardoada este 16 de setembro co Premio Nacional de Cómic que concede anualmente o Ministerio de Cultura. O premio, dotado con 30.000 euros, recoñece a obra El Cuerpo de Cristo, publicada pola editora vasca Astiberri.
O xurado do galardón recoñeceu do proxecto "o ser unha obra innovadora, arriscada na forma, con texturas e composicións que transcenden as técnicas máis utilizadas sen renunciar ao uso do humor e a unha mirada poética. A obra posúe unha gran profundidade e sensibilidade pola maneira de abordar un tema tan complexo como o da saúde mental desde a propia experiencia da autora, así como a reivindicación da importancia dos coidados".
Do mesmo xeito, o fallo sinala que "é unha obra de gran beleza visual e profunda emoción que ofrece unha mirada sorprendente na relación nai e filla, sendo unha auténtica exploración da linguaxe que utiliza recursos estéticos alternativos e mostra unha nova forma de tecer a historia reivindicando a propia memoria migrante".
O xurado estivo presidido por María José Gálvez Salvador, directora xeral do Libro, do Cómic e da Lectura do Ministerio de Cultura; e como vicepresidente actuou Jesús González, subdirector xeral de Promoción do Libro, a Lectura e as Letras Españolas. Como vogais actuaron Ana Prada Jiménez, proposta pola Asociación de Autores de Cómic de España (AACE); Luis Miguel Pérez González, pola Federación de Asociacións de Ilustradores Profesionais (FADIP); María Bravo Cortés, pola Confederación Española de Gremios e Asociacións de Libreros (CEGAL); Mònica Rex García, pola Asociación dos Críticos e Divulgadores de Cómic de España; Josep Domingo del Calvari, pola Asociación de Autoras e Autores Profesionais de Cómic de España (APCómic); Emilio Gonzalo Mallo, pola Asociación Sectorial do Cómic; Fernando Lara Pérez, pola Real Academia de Belas Artes de San Fernando; María Teresa Antona López, pola Federación de Asociacións de Periodistas de España (FAPE); Itziar Adelaida Pascual Ortiz, polo Instituto de Investigacións Feministas da Universidade Complutense de Madrid; Ana Murillo Yagüe, polo Ministerio de Cultura; e Borja González Hoyos, autor galardoado na convocatoria anterior.
Lema obtivera o Premio Castelao de Banda Deseñada da Deputación da Coruña en 2017 cunha versión anterior desta mesma obra, que tamén foi galardoada no Festival de Banda Deseñada de Angoulême, en Francia.
Do mesmo xeito, o fallo sinala que "é unha obra de gran beleza visual e profunda emoción que ofrece unha mirada sorprendente na relación nai e filla, sendo unha auténtica exploración da linguaxe que utiliza recursos estéticos alternativos e mostra unha nova forma de tecer a historia reivindicando a propia memoria migrante".
O xurado estivo presidido por María José Gálvez Salvador, directora xeral do Libro, do Cómic e da Lectura do Ministerio de Cultura; e como vicepresidente actuou Jesús González, subdirector xeral de Promoción do Libro, a Lectura e as Letras Españolas. Como vogais actuaron Ana Prada Jiménez, proposta pola Asociación de Autores de Cómic de España (AACE); Luis Miguel Pérez González, pola Federación de Asociacións de Ilustradores Profesionais (FADIP); María Bravo Cortés, pola Confederación Española de Gremios e Asociacións de Libreros (CEGAL); Mònica Rex García, pola Asociación dos Críticos e Divulgadores de Cómic de España; Josep Domingo del Calvari, pola Asociación de Autoras e Autores Profesionais de Cómic de España (APCómic); Emilio Gonzalo Mallo, pola Asociación Sectorial do Cómic; Fernando Lara Pérez, pola Real Academia de Belas Artes de San Fernando; María Teresa Antona López, pola Federación de Asociacións de Periodistas de España (FAPE); Itziar Adelaida Pascual Ortiz, polo Instituto de Investigacións Feministas da Universidade Complutense de Madrid; Ana Murillo Yagüe, polo Ministerio de Cultura; e Borja González Hoyos, autor galardoado na convocatoria anterior.
Lema obtivera o Premio Castelao de Banda Deseñada da Deputación da Coruña en 2017 cunha versión anterior desta mesma obra, que tamén foi galardoada no Festival de Banda Deseñada de Angoulême, en Francia.
