O Ministerio de Cultura organiza, canda o CGAC e o Museo do Pobo, o X Encontro Cultura e Cidadanía, baixo o título "10 anos. Desprazamentos, desafíos e desexos para o noso sistema cultural". O encontro celebrarase entre o 24 e o 26 de setembro en localizacións do CGAC e do Museo do Pobo, pero outros espazos da cidade tamén incorporarán actividades para os congresistas. O congreso consta de conversas, mesas redondas, presentacións de proxectos e debates ao redor das políticas culturais, o financiamento, paradigmas sociopolíticos, dereitos culturais e participación cidadá. Pero o congreso destaca por un gran número de actividades paralelas que van desde recitais, interpretacións artísticas, videoproxeccións ou seminarios e obradoiros.
