O Museo do Pobo e o CGAC presentan programación educativa conxunta

O diretor do CGAC, Miguel Von Hafe, e do Museo do Pobo Galego, Carlos García, presentaron hoxe a programación conxunta que acometerán durante 2012 as dúas entidades, destinadas a poñer en valor conxuntamente os seus edificios e o Parque de Bonaval. Precisamente será o parque o escenario da primeira das accións conxuntas: un obradoiro entre a artista María Meijide e o narrador oral Celso Fernández Sanmartín, no que "os participantes afondarán na historia do Parque". Pola outra banda, a partir de setembro iniciarase un programa de visitas para público escolar e familias nas que se "tratará de reflexionar sobre o concepto de museo e a súa evolución". As dúas entidades destacaron o esforzo de traballar conxuntamente.