A Zona de Reserva blindada á pesca no Parque Nacional das Illas Atlánticas só afectará ao 4% da contorna dos catro arquipélagos protexidos (Cíes, Ons, Sálvora e Cortegada). Malia que inicialmente se falaba dunha porcentaxe que oscilaría entre o 15 e o 20% dos preto de 8.500 hectáreas, a reducción será dun 4%. Así o publica hoxe o Faro de Vigo, no que avanza datos que conten o Plan Rector de Uso e Xestións do Parque que aínda non é público. Ese mesmo documento contempla que as visitas ás Cíes queden en 2.000 usuarios diarios e unha limitación de 1.500 nas Ons.
