Vista do convento e igrexa de Santo Domingo desde o edificio da Torre. Foto: Alfredo Erias.
O Museo das Mariñas de Betanzos ven de abrir ás portas de novo ao público tras un proceso de reforma que o mntivo pechado durante un ano. A institución situada no antigo Convento de Santo Domingo da cidade desde 1983, aproveitou estas reformas para ofrecer un novo diseño de musealización dos seus contidos, reorganizando e seleccionando as pezas da súa grande colección. Baixo a dirección de Ángel Arcay o museo presenta dun xeito distinto os seus fondos, amosando menos pezas e agrupándoas de xeito que sexan máis didácticas na visita, sen necesidade de guía, para coñecer mellor a historia e cultura da comarca. A nova proposta museística presenta menos pezas e separadas por temáticas e disciplinas artísticas, contando cunha sala de exposicións temporais. As reformas nas que se investiron máis de 375.000 euros incidiron na mellora de iluminación e ventas e carpintería, gañando luminosidade e seguridade para as pezas. Ainda queda pendente unha actuación máis sobre o museo por parte da Reserva de Biosfera As Mariñas Coruñesas e Terras do Mandeo, sobre os fondos etnográficos que se poderán ver nun dos corredores do claustro, polo de agora pechado ata que esta remate.
