A Semana do Patrimonio Invisible chega a Compostela nunha nova xeira de visitas a edificios e localizacións históricas que habitualmente fican fóra do acceso do público. O programa desenvólvese entre os días 9 e 14 de setembro con todas as súas prazas esgotadas. A proposta chega nesta ocasión a unha ducia de espazos, dous máis do que na anterior xeira, entre os que se inclúen seis visitas inéditas.
Deste xeito, repítense na Semana lugares como o Hospital Psiquiátrico de Conxo, o edificio da Facultade de Xeografía e Historia, o cemiterio e a capela do Rosario ou os mananciais de Compostela. Entre as novas localizacións lístanse a fachada e a torre do Tesouro da Catedral, o CSC da Trisca, o Observatorio Ramón María Aller da USC e unha visita secreta.
En total desenvolveranse máis de medio cento de actividades para un total 702 prazas, un 10% máis que as dispoñibles na anterior edición. Aínda que as prazas de todas as actividades están xa esgotadas, é posible aínda apuntarse na listaxe de agarda para as diferentes visitas.
En total desenvolveranse máis de medio cento de actividades para un total 702 prazas, un 10% máis que as dispoñibles na anterior edición. Aínda que as prazas de todas as actividades están xa esgotadas, é posible aínda apuntarse na listaxe de agarda para as diferentes visitas.
