Por terceiro ano consecutivo, Vilanova de Arousa acolle o Festivalle. O Festival de Teatro Valle-Inclán, dedicado en exclusiva ao dramaturgo arousán, desenvólvese entre os días 8 e 11 de xullo no Auditorio da Vila.
O programa conta con catro compañías que amosan as súas versións doutros tantos textos do autor. A sevillana Atalaya abre o pano con Divinas Palabras, mentres La Quimera de Plástico, de Valladolid, representa Hasta aquí hemos llegado o día 9.
Luces de bohemia, da man da Compañía Miseria y Hambre, de Madrid, o mércores 10 e Ligazón, da tamén madrileña Tribueñe, completan as proposta desta edición. Todas as entradas teñen un prezo de 11 euros.
O programa complétase cunha visita guiada por lugares vencellados á figura de Valle-Inclán e coa instalación artística Luces en Pastoriza, que reúne ata o 28 de xuño obras Marta Iglesias, Fito Barcia e Juan Fernando de Laiglesia baseadas nos textos de Valle-Inclán La lampara maravillosa, Jardín umbrío e Jardín novelesco.
