A sede de Afundación na Coruña abría as portas, este 3 de xullo da súa nova exposición. Ata o vindeiro 31 de agosto o local acolle GOYA - HELLBOY. Unha visión da iconografía de monstros por Stéphane Levallois. A proposta recolle unha selección deste debuxante e deseñador de monstros para o cinema a explorar o universo fantástico de Goya en relación ao personaxe da BD e do cinema Hellboy.
Asier Mensuro comisaría esta mostra, na que se vincula a propia obra de Levallois cos trazos de Goya. Segundo explica a presentación do proxecto, "na mostra, o reputado artista francés reflexiona sobre a iconografía fantástica creada por Goya, das pinturas negras do Museo Nacional do Prado aos aquelarres e meigas dos óleos do Museo Lázaro Galdiano". Esta análise realízase a incorporar o monstro contemporáneo Hellboy, creado por Mike Mignola no cómic e levado posteriormente ao cinema.
En total o proxecto acolle 72 obras de Levallois que se completan con dous de Mignola, a capa da obra de Hellboy In the Chapel of Moloch e unha ilustración do personaxe que homenaxea o lenzo Átropos ou Las Parcas, de Goya.
Levallois participou de filmes como Alien, King Kong, Parque Xurásico, X-men ou Harry Potter, a colaborar con directores como Ridley Scott ou Bryan Singer. Tamén realizou a BD sobre Leonardo Da Vinci que publicou o Museo do Louvre a coincidir coa exposición monográfica sobre o xenio renacentista. A exposición visitou Pamplona e Badaxoz de xeito previo á súa estadía en Galicia.
Asier Mensuro comisaría esta mostra, na que se vincula a propia obra de Levallois cos trazos de Goya. Segundo explica a presentación do proxecto, "na mostra, o reputado artista francés reflexiona sobre a iconografía fantástica creada por Goya, das pinturas negras do Museo Nacional do Prado aos aquelarres e meigas dos óleos do Museo Lázaro Galdiano". Esta análise realízase a incorporar o monstro contemporáneo Hellboy, creado por Mike Mignola no cómic e levado posteriormente ao cinema.
En total o proxecto acolle 72 obras de Levallois que se completan con dous de Mignola, a capa da obra de Hellboy In the Chapel of Moloch e unha ilustración do personaxe que homenaxea o lenzo Átropos ou Las Parcas, de Goya.
Levallois participou de filmes como Alien, King Kong, Parque Xurásico, X-men ou Harry Potter, a colaborar con directores como Ridley Scott ou Bryan Singer. Tamén realizou a BD sobre Leonardo Da Vinci que publicou o Museo do Louvre a coincidir coa exposición monográfica sobre o xenio renacentista. A exposición visitou Pamplona e Badaxoz de xeito previo á súa estadía en Galicia.