A arte realizada por creadores galegos desde fóra de Galicia ao longo do século XX protagoniza A fronteira infinda. A nova exposición de Afundación abrÃa onte as súas portas na sede coruñesa desta entidade, onde se poderá ver ata o vindeiro 30 de xaneiro. O proxecto artéllase a partir de tres núcleos: a presenza da emigración na obra de Castelao como tema social e cultural na Galicia, os artistas exiliados a América logo da guerra civil e as novas xeracións formadas na posguerra que se encamiñaron a Madrid. A exposición amosa obras de autores como Castelao, Leopoldo Nóvoa, Maruja Mallo, Isaac DÃaz Pardo, Antonio Lago Rivera, Arturo Souto, Colmeiro, Laxeiro ou Manuel Pailós que fan parte dos fondos propios de Afundación e de Abanca.
