A Axencia Galega das Industrias Culturais daba a coñecer este 20 de xuño a resolución das axudas para "Proxectos de innovación, funcionamento dixitalizado e sustentable, creación e fidelización de públicos e adaptación aos novos hábitos de consumo audiovisual para salas de exhibición cinematográfica". En total sete espazos deste tipo, xestionados por seis empresas, reparten os 132.160 euros da concesión.
A convocatoria, que contaba cun orzamento inicial de 380.000 euros, recibiu unicamente sete solicitudes, das cales unha desistiu. Das outras seis propostas, a sociedade que xestiona os Multicines Norte de Vigo e os Multicines Compostela foi a que conseguiu unha maior contía na convocatoria, con 31.200 euros para as dúas salas.
Os Codex Cinema de Lugo e os DUPLEX de Ferrol obtiveron cadanseus 24.000, mentres o NUMAX de Compostela sumou 21.600, os Minicines Central da Estrada 21.000, e os Cines Avenida de Caldas de Reis 10.360.
Os Codex Cinema de Lugo e os DUPLEX de Ferrol obtiveron cadanseus 24.000, mentres o NUMAX de Compostela sumou 21.600, os Minicines Central da Estrada 21.000, e os Cines Avenida de Caldas de Reis 10.360.