O festival de arte urbana Rexenera Fest abre este 30 de maio en Carballo a súa décima edición. O galego Sr X, residente en Londres, a portuguesa Tamara Alves, Stom500 desde Suíza, a catalá Amaia Arrazola e o vasco Pablo Astrain son os cinco nomes que realizarán cadanseu mural no seo desta iniciativa ata o vindeiro día 9.
Canda a isto, o programa inclúe un obradoiro de introdución á serigrafía a cargo de Taller Trueno e outro de estampación de guerrilla que imparte Hanqo. Ademais, realizaranse rutas guiadas polos murais realizados en edicións anteriores e a organización achega unha xogo de pistas para familias arredor desas mesmas obras. Finalemente, ofertarase unha sesión vermú o día 9 de xuño a cargo de Minifundistas.
