Este seis de xuño abre as súas portas a cuarta xeira do Delas Fest. O Festival feminista de arte urbana e contextual inicia a súa actividade coa creación dun mural por parte da portuguesa Mariana Santos no barrio de San Lázaro da capital galega. A esta proposta seguiralle un obradoiro de perfeccionamento sobre estilo realista con spray da man de Tamara Baz o vindeiro 11 de xuño.
O programa inclúe tamén actividades en Ames, cun mural de Ceciro e un obradoiro de Iniciación ao spray. En Teo, Udatxo encargarase da intervención artística e Fitz Licuado do obradoiro sobre realismo na pintura mural, mentres en Brión será a galega Nana quen realice unha acción artística. As actividades desta iniciativa que coordina a cooperativa 7H prolongaranse ata o 21 de xuño vindeiro.
