A Biblioteca de Ferrol inaugura unha mostra sobre a obra de Benito Vicetto

A Biblioteca Municipal de Ferrol inaugurou unha mostra sobre Benito Vicetto, o xornalista e escritor que está na base do Rexurdimento cultural e político do país a mediados do século XIX. Vicetto nacera en Ferrol en 1824 e na súa azarosa vida continuou vinculado á cidade departamental a través de publicacións de libros e textos en xornais. Ferrol está volcado coa celebración do centenario desta figura, declarada fillo predilecto da cidade no pasado mes de marzo. Esta exposición será a primeira. En setembro, o centro cultural Gonzalo Torrente Ballester acollerá outra sobre a abundante presenza de Benito Vicetto nas prensas ferrolá e galega do seu tempo.