Hoxe comezan os actos que o Concello de Ferrol programou para honrar ó escritor e fillo predilecto da cidade Gonzalo Torrente Ballester no segundo cabodano do seu pasamento. Desde lecturas das súas obras, a actuacións musicais e teatro, os vindeiros sete días Ferrol ferverá de actividades na lembranza de Torrente.
Fin de semana
O Centro Torrente Ballester acolle esta mesma tarde o primeiro dos actos programados, consistente nunha lectura de parágrafos da obra de Torrente nos que se citan prazas, rúas e lugrares da cidade de Ferrol. A lectura comezará ás oito da tarde, e terá como peche unha actuación musical de guitarra e flauta. O domingo será o Auditorio cívio de Caranza o que sirva de escenario para a representación de "Unha gloria nacional", unha das últimas obras do escritor, a cargo da formación "Ad Libitum". Tamén será ás oito.
A próxima semana
A semana comezará coa presentación na Galería Sargadelos a obra "Pontevedra na vida e na obra de Torrente Ballester", realizada por José Ponte Far. O martes que vén, e de novo ás oito, celebrarase no salón de actos da UNED unha mesa redonda que baixo o título "Torrente, en España e no estranxeiro" á que están convidados expertos de internacionais sobre o autor. No mesmo lugar e á mesma hora, o mércores haberá unha nova mesa sobre "Torrente no teatro e no cinema". O xoves realizarase unha tertulia arredor da última obra de torrente, un texto sobre "La Bella Otero" publicado recentemente pola editorial "Raíña Lupa",
