Unha miopía impediu que Gonzalo Torrente Ballester cumprira o seu soño: ser mariño como o seu pai. E ese desexo marcaría ao escritor tanto na súa obra como na súa propia personalidade. Por iso, para celebrar o centenario do seu nacemento (que terá lugar este domingo) o concello de Ferrol e a Xunta abren unha exposición que recupera esta paixón do escritor. Aberta ata o mes de xuño, estará no Museo de Ferrerías en Ferrol e contará con tres apartados: o primeiro son reproducións de páxinas nas que Torrente falabra sobre a navegación e os barcos; o segundo fondos do Museo de Ferrarías, e terceiro, unha escolma de obra de pintores ferroláns como Bello Piñeiro ou Álvarez de Soutomayor, sobre o mar.
